يا أمل إيه الوسيلة ؟…شعر محمد عبد العليم

يا أمل إيه الوسيلة ؟…شعر محمد عبد العليم
‏25 يناير، 2015‏، الساعة ‏12:08 صباحاً‏
يا أمل إيه الوسيلة ؟ …شعر محمد عبد العليم
ياوداد يانبيلة …يا جيهان …….
يا سعاد ياجميلة …يا حنان ……
يا نهاد يافضيلة …يا نوران ………………..
يا هدى يا سهام يا أصيلة …
يا ندى يا وسام يا سهيلة…
يا صفاء يا هناء يا جليلة …..
يا دعاء يارجاء كل ليلة ………..
يا أمل إيه الوسيلة ؟………………
بعد ما أكلنا البليلة ………….
الحزن زاد ..الحزن زاد ….
لا قرب منك ولا ابتعاد …..
الحزن ده … حزن بلاد ……
يوم ما أبتدا .. ظلم العباد ……
طول المدى … ويا العناد……
ولا تلاقيش … غير الفساد…
يقولوا ثورة ..شاركت فيها ….
وهي عورة .. با داريها …….
يقولوا ثورة ..وهي عورة ..
ابتدت وانتهت بالحداد ……
الحزن زاد …الحزن زاد …..
اسكتى ياوداد …….. واصمتي يا نبيلة
اصرخي يا سعاد ….مالناش حيلة
الحزن ده … حزن بلاد ……
يوم ما أبتدا .. ظلم العباد ……
الهوا صبح نيران ……..
والميدان دخان وعتمة ….
ومين يلاقى فى الظلام …..
الأمان مايجيش في ضلمة…..
ياأمل قولي لجيهان ….
الحيطان اتكلمت ….
الحيطان لها لسان …..
الحيطان لها ودان …..
والحواري ضلمت …..
والكلاب السودة جاية …. جاية تنط….
جاية تنهش القضية …..تبلع وتلهط
جاية تاكل وجعانة ….. تمضغ وتزلط
والمهانة راجعة تاني …اوسخ واحط..
والإهانة لكل قط … والفراخ والبط……
الحزن زاد والحال انحط ……
ياوداد يانبيلة …يا جيهان …….
يا سعاد ياجميلة …يا حنان ……
يا نهاد يافضيلة …يا نوران ………………..
يا هدى يا سهام يا أصيلة …
يا صفاء يا هناء يا جليلة …..
يا دعاء يارجاء كل ليلة ………..
يا أمل إيه الوسيلة ؟……………….
بعد ما أكلنا البليلة
غير الدعاء كل ليلة ……..
محمد عبد العليم
25/1/2015